ಕನ್ನಡದ ಸ್ಟಾರ್ ನಟ ಅನಂತ್ ನಾಗ್ ಅವರ ಪೂರ್ತಿಯ ಹೆಸರು ಅನಂತ ಸಾಗರಕಟ್ಟೆ ಎಂದು. ಇವರು ಸೆಪ್ಟೆಂಬರ್ 4 1948 ರಂದು ಜನಿಸಿದ್ದಾರೆ. ಇವರು ಕನ್ನಡ ಚಿತ್ರಗಳ ಜೊತೆಗೆ ಕೆಲ ಮರಾಠಿ ತಮಿಳು ಮಲಯಾಳಂ ತೆಲುಗು ಮತ್ತು ಹಿಂದಿ ಭಾಷೆಗಳ ಚಿತ್ರಗಳನ್ನು ಕೂಡ ನಟಿಸಿದ್ದಾರೆ. ಇವರ ತಂದೆಯ ಹೆಸರು ಸದಾನಂದ ನಾಗರಕಟ್ಟೆ ಮತ್ತು ತಾಯಿಯ ಹೆಸರು ಆನಂದಿ.
ಇವರಿಗೆ ಜನಪ್ರಿಯ ನಟ ಆಗಿದ್ದ ಶಂಕರ್ ನಾಗ್ ಅವರು ತಮ್ಮ ಆಗಬೇಕು ಮತ್ತು ಶ್ಯಾಮಲ ಎನ್ನುವ ಸಹೋದರಿ ಕೂಡ ಇದ್ದಾರೆ. ಅನಂತ್ ನಾಗ್ ಅವರು ಉಡುಪಿಯಲ್ಲಿ ಕೆಥೋಲಿಕ್ ಸ್ಕೂಲ್ ನಲ್ಲಿ ತಮ್ಮ ಶಾಲೆಯ ಶಿಕ್ಷಣವನ್ನು ಮಾಡಿ ಮುಗಿಸಿದ್ದಾರೆ. ಇದಾದ ಮೇಲೆ ಇವರು ಆರ್ಮಿಗೆ ಸೇರಿಕೊಳ್ಳಲು ತರಬೇತಿಯನ್ನು ಕೂಡ ಪಡೆದರು.
ಆದರೆ ಇವರನ್ನು ಆಗ ಸ್ವಲ್ಪ ತೂಕ ಕಡಿಮೆ ಇದ್ದರಿಂದ ಆಯ್ಕೆ ಮಾಡಿಕೊಳ್ಳಲಿಲ್ಲ. ನಂತರ ಸಿನಿಮಾಗಳಲ್ಲಿ ನಟನೆ ಮಾಡುವುದಕ್ಕೆ ಮುಂಬೈಗೆ ಹೊರಟರು. ಹೀಗೆ ಅನಂತ್ ನಾಗ್ ಅವರು 1973 ರಲ್ಲಿ ಸಂಕಲ್ಪ ಎಂಬ ಕನ್ನಡ ಚಿತ್ರದ ಮೂಲಕ ಮೊದಲನೆಯದಾಗಿ ಸಿನಿಮಾ ರಂಗಕ್ಕೆ ಪಾದಾರ್ಪಣೆ ಮಾಡಿದರು.
ತದನಂತರ ಹಂಸಗೀತೆ, ಸಂದರ್ಭ, ಮುತ್ತು ಒಂದು ಮುತ್ತು, ಮಿಂಚಿನ ಓಟ, ಬಾಡದ ಹೂವು, ನನ್ನ ದೇವರು, ಭಕ್ತ ಪ್ರಹ್ಲಾದ, ಹೊಸನೀರು, ಇದು ಸಾಧ್ಯ, ಗೌರಿಗಣೇಶ, ವಿಶ್ವ, ಯುವ, ಮುಂಗಾರುಮಳೆ, ಶ್ರಾವಣಿ ಸುಬ್ರಹ್ಮಣ್ಯ, ಪರಮಾತ್ಮ, ಪಂಚರಂಗಿ, ಗಜಕೇಸರಿ, ಆಟಗಾರ, ರಾಜಕುಮಾರ, ಕೆಜಿಎಫ್ 1 ಹೀಗೆ ಇನ್ನೂ ಸುಮಾರು ಸಾಕಷ್ಟು ಚಿತ್ರಗಳಲ್ಲಿ ಅಭಿನಯ ಮಾಡಿದ್ದಾರೆ.
ಅನಂತ್ ನಾಗ್ ಅವರು ಎಲ್ಲಾ ಭಾಷೆಗಳಲ್ಲಿ ಸೇರಿ ಸುಮಾರು 300 ಗಿಂತ ಹೆಚ್ಚು ಚಿತ್ರಗಳಲ್ಲಿ ಅಭಿನಯ ಮಾಡಿದ್ದಾರೆ. ಇನ್ನೂ ಅನಂತ್ ನಾಗ್ ಅವರು 1987 ರಲ್ಲಿ ಗಾಯತ್ರಿ ಎನ್ನುವವರನ್ನು ವಿವಾಹ ಮಾಡಿಕೊಂಡಿದ್ದಾರೆ. ಇವರಿಗೆ ಅದಿತಿ ನಾಗ್ ಎನ್ನುವ ಮಗಳು ಕೂಡ ಇದ್ದಾರೆ.
ಅದಿತಿ ನಾಗ್ ಅವರು ಸಾಫ್ಟ್ ವೇರ್ ಉದ್ಯಮಿಯಾಗಿರುವ ವಿವೇಕ್ ಎನ್ನುವವರನ್ನು ವಿವಾಹ ಮಾಡಿಕೊಂಡಿದ್ದಾರೆ. ಇಲ್ಲಿ ನಟ ಅನಂತ್ ನಾಗ್ ಅವರ ಮದುವೆಯ ಅಪರೂಪದ ಕ್ಷಣಗಳನ್ನು ನೀವು ನೋಡಬಹುದು…..