ಕನ್ನಡದ ಖ್ಯಾತ ಹಿರಿಯ ನಟಿ ಲೀಲಾವತಿ ಅವರು 1937 ರಲ್ಲಿ ಬೆಳ್ತಂಗಡಿಯಲ್ಲಿ ಜನಿಸಿದ್ದಾರೆ. ಇವರ ತಂದೆಯ ಹೆಸರು ಸುಬ್ಬಯ್ಯ. ಲೀಲಾವತಿ ಅವರು ಕನ್ನಡ ಅಲ್ಲದೇ ತಮಿಳು ಮತ್ತು ತೆಲುಗು ಭಾಷೆಗಳಲ್ಲೂ ಸಹ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿದ್ದಾರೆ. ಲೀಲಾವತಿ ಅವರು ಕೇವಲ 6 ವರ್ಷದ ವಯಸ್ಸಿನಲ್ಲಿದ್ದಾಗಲೇ ತಮ್ಮ ಪೋಷಕರನ್ನು ಕಳೆದುಕೊಂಡರು.
ಲೀಲಾವತಿ ಅವರು ಮೊದಲು ನಾಗಕನ್ನಿಕೆ ಎನ್ನುವ ಚಿತ್ರದಲ್ಲಿ ಚಂಚಲ ಕುಮಾರಿ ಎನ್ನುವ ಚಿಕ್ಕ ಪಾತ್ರದಲ್ಲಿ ನಟಿಸಿದರು. ಇನ್ನೂ ಈ ಸಿನಿಮಾವನ್ನು ಶಂಕರ್ ಸಿಂಗ್ ಅವರು ನಿರ್ದೇಶಿಸಿದ್ದರು. ನಂತರ ಮಹಾಲಿಂಗ ಭಗವತೀ ಶ್ರೀ ಸಾಹಿತ್ಯ ಸಾಮ್ರಾಜ್ಯ ನಾಟಕ ಕಂಪನಿಗೆ ಸೇರಿಕೊಂಡರು. ಇದಾದ ಮೇಲೆ ಇವರಿಗೆ 1958 ರಲ್ಲಿ ಭಕ್ತ ಪ್ರಹ್ಲಾದ ಎನ್ನುವ ಚಿತ್ರದಲ್ಲಿ ನಟಿಸುವುದಕ್ಕೆ ಅವಕಾಶವನ್ನು ನೀಡಿದರು.
ತದನಂತರ ಮಾಂಗಲ್ಯ ಯೋಗ, ಧರ್ಮ ವಿಜಯ, ರಣಧೀರ ಕಂಠೀರವ, ರಾಣಿ ಹೊನ್ನಮ್ಮ, ಗಾಳಿಗೋಪುರ, ನಂದಾದೀಪ, ಬೇವು ಬೆಲ್ಲ, ಜೀವನ ತರಂಗ, ಸಂತ ತುಕಾರಾಂ, ವಾಲ್ಮೀಕಿ, ಚಂದ್ರಹಾಸ, ಪ್ರೇಮಮಯಿ, ನಾಗರಹಾವು, ಭಕ್ತಕುಂಬಾರ, ಕೂಡಿ ಬಾಳೋಣ, ಆಟೋರಾಜ, ಹಬ್ಬ ಇನ್ನೂ ಸಾಕಷ್ಟು ಕನ್ನಡ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.
ಇದರ ಜೊತೆಗೆ ಇವರು ಕೆಲ ತಮಿಳು ಮತ್ತು ತೆಲುಗು ಚಿತ್ರಗಳಲ್ಲಿ ಕೂಡ ಅಭಿನಯ ಮಾಡಿದ್ದಾರೆ. ಇನ್ನು ಇವರು ಕೊನೆಯದಾಗಿ ನಟಿಸಿದ ಸಿನಿಮಾ 2009 ರಲ್ಲಿ ಬಿಡುಗಡೆಯಾದ ಯಾರದು ಚಿತ್ರವು. ಹಾಗೆಯೇ ಲೀಲಾವತಿ ಅವರು ಕಾಲೇಜ್ ಹೀರೋ, ಕನ್ನಡದ ಕಂದ, ಶುಕ್ರ ಮತ್ತು ಯಾರದು ಚಿತ್ರಗಳನ್ನು ನಿರ್ಮಾಣ ಸಹ ಮಾಡಿದ್ದಾರೆ. ಇವರು ಎಲ್ಲಾ ಭಾಷೆಗಳಲ್ಲಿ ತಮ್ಮ 50 ಸಿನಿಮಾ ಜೀವನ ಅವಧಿಯಲ್ಲಿ ಸುಮಾರು 600 ಕ್ಕಿಂತ ಹೆಚ್ಚು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.
ಇನ್ನೂ ಇವರಿಗೆ ನಟ ವಿನೋದ್ ರಾಜ್ ಎನ್ನುವ ಮಗ ಕೂಡ ಇದ್ದಾರೆ. ನಟ ವಿನೋದ್ ರಾಜ್ ಅವರು ಕೂಡ ಕನ್ನಡದಲ್ಲಿ ಸಾಕಷ್ಟು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ವಿನೋದ್ ರಾಜ್ ಅವರು ತಮ್ಮ ತಾಯಿಯನ್ನು ಎಷ್ಟು ಚೆನ್ನಾಗಿ ನೋಡಿಕೊಳ್ಳುತ್ತಾರೆ ಎಂದರೆ ಅವರ ತಾಯಿಯನ್ನು ಒಂದು ನಿಮಿಷ ಕೂಡ ಬಿಡದೆ ಸದಾ ಅವರ ಜೊತೆಗೇ ಇದ್ದು ಕೆಲಸ ಮಾಡುತ್ತಾರೆ. ಇನ್ನೂ ಇಲ್ಲಿ ನಟಿ ಲೀಲಾವತಿ ಅವರ ಮನೆ ಒಳಗಡೆ ಹೇಗಿದೆಯೆಂದು ಕೆಲ ದೃಶ್ಯಗಳಿಂದ ನೋಡಬಹುದು…..
