ದಕ್ಷಿಣ ಭಾರತದ ಖ್ಯಾತ ನಟಿ ಮಾಧವಿ ಅವರ ಮೊದಲಿನ ಹೆಸರು ಕನಕ ವಿಜಯಲಕ್ಷ್ಮಿ ಎಂದು. ಇವರು ಸೆಪ್ಟೆಂಬರ್ 14 1962 ರಂದು ಏಲೂರುನಲ್ಲಿ ಜನಿಸಿದ್ದಾರೆ. ಇವರ ತಂದೆಯ ಹೆಸರು ಗೋವಿಂದ ಸ್ವಾಮಿ ಮತ್ತು ತಾಯಿಯ ಹೆಸರು ಶಶಿರೇಖ ಸ್ವಾಮಿ ಎಂದು. ಮಾಧವಿಯವರು ತೆಲುಗು ಮಲಯಾಳಂ ಕನ್ನಡ ತಮಿಳು ಮತ್ತು ಹಿಂದಿ ಭಾಷೆಗಳಲ್ಲಿ ಸಾಕಷ್ಟು ಚಿತ್ರಗಳಲ್ಲಿ ಅಭಿನಯಿಸಿ 1980 ರ ಸಮಯದಲ್ಲಿ ಟಾಪ್ ಲೀಡಿಂಗ್ ನಟಿಯಾಗಿ ಮಿಂಚಿದರು.
ಇನ್ನು ಮಾಧವಿಯವರು ಉಮಾ ಮಹೇಶ್ವರಿ ಅವರ ಬಳಿ ಭರತನಾಟ್ಯ ನೃತ್ಯವನ್ನು ಕಲಿತುಕೊಂಡಿದ್ದಾರೆ ಮತ್ತು ಮಿಸ್ಟರ್ ಭಟ್ ಅವರ ಬಳಿ ಫೋಕ್ ನೃತ್ಯವನ್ನು ಕಲಿತುಕೊಂಡಿದ್ದಾರೆ. ಇವರು ಹೈದ್ರಾಬಾದ್ ನಲ್ಲಿ ಸ್ಟ್ಯಾನ್ಲೆ ಗರ್ಲ್ಸ್ ಹೈಸ್ಕೂಲ್ ನಲ್ಲಿ ತಮ್ಮ ಶಾಲೆಯ ಶಿಕ್ಷಣವನ್ನು ಮಾಡಿ ಮುಗಿಸಿದ್ದಾರೆ.
ಹಾಗೆ ಸಿನಿಮಾ ವಿಷಯಕ್ಕೆ ಬಂದರೆ ಮಾಧವಿಯವರು ದಾಸರಿ ನಾರಾಯಣ ರಾವ್ ಅವರ ನಿರ್ದೇಶನದ ತೂರ್ಪು ಪಡಮರ ಎನ್ನುವ ತೆಲುಗು ಚಿತ್ರದ ಮೂಲಕ ಬೆಳ್ಳಿತೆರೆಗೆ ಕಾಲಿಟ್ಟರು.
ಇದು 1976 ರಂದು ಬಿಡುಗಡೆಯಾಗಿ ಬಹಳನೇ ಯಶಸ್ವಿಯನ್ನು ಪಡೆಯಿತು. ಇನ್ನೂ ಮಾಧವಿಯವರು ದಕ್ಷಿಣ ಭಾರತದ ಸಾಕಷ್ಟು ದೊಡ್ಡ ದೊಡ್ಡ ನಟರ ಜೊತೆಗೆ ತೆರೆ ಹಂಚಿಕೊಂಡಿದ್ದಾರೆ.
ನಮ್ಮ ಕನ್ನಡದಲ್ಲಿ ನೋಡಿದರೆ 1981 ರಂದು ಗರ್ಜನೆ ಎನ್ನುವ ಚಿತ್ರದ ಮೂಲಕ ಸ್ಯಾಂಡಲ್ ವುಡ್ ಗೆ ಎಂಟ್ರಿ ಮಾಡಿದರು. ಇದಾದ ಮೇಲೆ ಗರುಡ ರೇಖೆ, ಅನುಪಮಾ, ಹಾಲುಜೇನು, ಗಂಡುಗಲಿ ರಾಮ, ಖೈದಿ, ಶ್ರುತಿ ಸೇರಿದಾಗ, ಜೀವನಚೈತ್ರ ,ಆಕಸ್ಮಿಕ, ಒಡಹುಟ್ಟಿದವರು ಹೀಗೆ ಇನ್ನೂ ಕೆಲ ಕನ್ನಡ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.
ಇನ್ನೂ ಮಾಧವಿಯವರು 1996 ರಂದು ಯುಎಸ್ ಮೂಲದ ಫಾರ್ಮಸಿಟಿಕಲ್ ಸಿಇಒ ಆಗಿರುವ ರಾಹುಲ್ ಶರ್ಮ ಎನ್ನುವವರನ್ನು ವಿವಾಹ ಮಾಡಿಕೊಂಡಿದ್ದಾರೆ.
ಇವರಿಗೆ ಪ್ರಿಸಿಲ್ಲಾ ಶರ್ಮಾ, ಟಿಫಾನಿ ಶರ್ಮಾ ಮತ್ತು ಇವೆಲಿನ್ ಶರ್ಮಾ ಎನ್ನುವ 3 ಜನ ಹೆಣ್ಣು ಮಕ್ಕಳು ಇದ್ದಾರೆ. ಮಾಧವಿಯವರು ತಮ್ಮ 3 ಜನ ಹೆಣ್ಣು ಮಕ್ಕಳಿಗೂ ಭಾರತದ ಸಂಸ್ಕೃತಿ ಮತ್ತು ಭರತನಾಟ್ಯವನ್ನು ಕಲಿಸಿದ್ದಾರೆ.
ಮಾಧವಿಯವರು ಮದುವೆ ಮಾಡಿಕೊಂಡ ಮೇಲೆ ಯಾವ ಸಿನಿಮಾಗಳಲ್ಲಿ ಕೂಡ ನಟಿಸಲಿಲ್ಲ. ಹೀಗೆ ತಮ್ಮ ಪತಿಯ ಕಂಪನಿಯಲ್ಲಿ ಪತಿಗೆ ಸಹಾಯ ಮಾಡಬೇಕೆಂದು ಪ್ರೆಸಿಡೆಂಟ್ ಆಗಿ ಕೆಲಸ ಮಾಡುತ್ತಿದ್ದಾರೆ.
ಇನ್ನು ವಿಶೇಷವಾಗಿ ಹೇಳಬೇಕು ಎಂದರೆ ಮಾಧವಿ ಅವರ ಬಳಿ ಸ್ವಂತ ವಿಮಾನ ಕೂಡ ಇದೆ. ಅದರಲ್ಲೂ ಮಾಧವಿ ಅವರೇ ಸ್ವತಃ ವಿಮಾನವನ್ನು ಓಡಿಸುತ್ತಾರಂತೆ. ನಟಿ ಮಾಧವಿ ಅವರು ಈಗ ನೋಡುವುದಕ್ಕೆ ತುಂಬಾನೇ ಬದಲಾಗಿದ್ದಾರೆ…..