ನಮ್ಮ ಕನ್ನಡ ಚಿತ್ರರಂಗದಲ್ಲಿ ಮರೆಯಲಾಗದ ಸಾಕಷ್ಟು ನಟಿಯರು ಇದ್ದಾರೆ. ಅದರಲ್ಲಿ ಭವ್ಯಾ ಅವರು ಕೂಡ ಒಬ್ಬರು. ಏಕೆಂದರೆ ಭವ್ಯಾ ಅವರು ಮಾಡುತ್ತಿದ್ದ ನಟನೆಯು ತುಂಬ ನೈಜವಾಗಿ ಇರುತ್ತದೆ. ದಕ್ಷಿಣ ಭಾರತದ ಖ್ಯಾತ ನಟಿ ಭವ್ಯಾ ಅವರು ಜನವರಿ 12 1966 ರಂದು ಬೆಂಗಳೂರಿನಲ್ಲಿ ಜನಿಸಿದರು.
ಇವರು ಕನ್ನಡದಲ್ಲಿ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿದ್ದಾರೆ ಮತ್ತು ಕೆಲ ಚಿತ್ರಗಳನ್ನು ತಮಿಳು ಮತ್ತು ತೆಲುಗು ಭಾಷೆಗಳನ್ನು ಕೂಡ ಮಾಡಿದ್ದಾರೆ. ಇವರು 1985 ರಿಂದ 1992 ರವರೆಗೂ ಟಾಪ್ ರೀಡಿಂಗ್ ನಟಿಯಾಗಿ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿ ಜನಪ್ರಿಯರಾಗಿದ್ದಾರೆ.
ಇದಾದ ಮೇಲೆ ಇವರು ಸಿನಿಮಾಗಳಲ್ಲಿ ಹೆಚ್ಚಾಗಿ ಪೋಷಕ ಪಾತ್ರಗಳಲ್ಲಿ ಅಭಿನಯ ಮಾಡುವುದಕ್ಕೆ ಶುರು ಮಾಡಿಕೊಂಡರು. ಭವ್ಯಾ ಅವರು ಅನಂತ್ ನಾಗ್, ವಿಷ್ಣುವರ್ಧನ್, ಅಂಬರೀಶ್, ರವಿಚಂದ್ರನ್ ಹೀಗೆ ಇನ್ನೂ ಸಾಕಷ್ಟು ದೊಡ್ಡ ದೊಡ್ಡ ನಟರ ಜೊತೆಗೆ ತೆರೆಯನ್ನು ಹಂಚಿಕೊಂಡಿದ್ದಾರೆ. ಭವ್ಯಾ ಅವರು ತಮ್ಮ ಸಿನಿಮಾ ಕೆರಿಯರ್ ಅನ್ನು ಮೊದಲು 1983 ರಲ್ಲಿ ಪ್ರೇಮ ಪರ್ವ ಎನ್ನುವ ಚಿತ್ರದ ಮೂಲಕ ಶುರು ಮಾಡಿಕೊಂಡರು.
ಈ ಚಿತ್ರವನ್ನು ಸಿದ್ದಲಿಂಗಯ್ಯ ಅವರು ನಿರ್ದೇಶಿಸಿದ್ದಾರೆ ಮತ್ತು ಮುರಳಿ ಅವರು ನಾಯಕ ನಟರಾಗಿ ಅಭಿನಯಿಸಿದ್ದಾರೆ. ತದನಂತರ ಕಲ್ಲು ವೀಣೆ ನುಡಿಯಿತು, ಬಡ್ಡಿ ಬಂಗಾರಮ್ಮ, ಪ್ರಳಯಾಂತಕ, ನೀ ಬರೆದ ಕಾದಂಬರಿ, ಪ್ರೀತಿ, ಕೃಷ್ಣ ನೀ ಬೇಗನೇ ಬಾರೋ, ಕರುಣಾಮಯಿ, ಹುಲಿ ಹೆಬ್ಬುಲಿ, ಅವಳೇ ನನ್ನ ಹೆಂಡತಿ, ಸಾಂಗ್ಲಿಯಾನ, ಆವೇಶ, ಹೃದಯ ಹಾಡಿತು, ರವಿವರ್ಮ, ಶಿವರಾಜ್ ಇನ್ನೂ ಸಾಕಷ್ಟು ಚಿತ್ರಗಳಲ್ಲಿ ನಾಯಕಿ ಪಾತ್ರದಲ್ಲಿ ನಟಿಸಿದ್ದಾರೆ.
ತದನಂತರ 2000 ಆದಮೇಲೆ ಇವರು ಪೋಷಕ ಪಾತ್ರಗಳಲ್ಲಿ ಅಭಿನಯಿಸುವುದಕ್ಕೆ ಶುರು ಮಾಡಿಕೊಂಡರು. ನನ್ನ ಪ್ರೀತಿಯ ಹುಡುಗಿ, ಆಟೋಶಂಕರ್, ಅಮೃತಧಾರೆ, ಪ್ರೀತಿಗಾಗಿ, ಜಂಭದ ಹುಡುಗಿ, ಮನಸುಗಳ ಮಾತು ಮಧುರ, ಗೂಳಿ, ನೂರು ಜನ್ಮಕು, ಶಿವಂ, ಲವ್ ಯೂ ಆಲಿಯಾ, ರಾಜತಂತ್ರ ಹೀಗೆ ಸಾಕಷ್ಟು ಕನ್ನಡ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.
ಇನ್ನು ಭವ್ಯಾ ಅವರು ಮುಖೇಶ್ ಪಾಟೀಲ್ ಎನ್ನುವವರನ್ನು ವಿವಾಹ ಮಾಡಿಕೊಂಡಿದ್ದಾರೆ. ಇವರು ಮುಂಬೈನಲ್ಲಿ ಬ್ಯುಸಿನೆಸ್ ಮನ್ ಆಗಿದ್ದಾರೆ. ಪ್ರಸ್ತುತ ಭವ್ಯಾ ಅವರು ಮುಂಬೈ ನಲ್ಲಿ ವಾಸಿಸುತ್ತಿದ್ದು ಶೂಟಿಂಗ್ ಇದ್ದ ಸಮಯದಲ್ಲಿ ಬೆಂಗಳೂರಿಗೆ ಬರುತ್ತಿರುತ್ತಾರೆ…..