ನಮ್ಮ ಸ್ಯಾಂಡಲ್ ವುಡ್ ನಲ್ಲಿ ಸ್ಟಾರ್ ನಟರು ತಮ್ಮ ಮಕ್ಕಳ ಜೊತೆಗೆ ನಟಿಸಿರುವ ಯಾವ ಸಿನಿಮಾಗಳು ಎಂದು ಇಲ್ಲಿ ನೋಡೋಣ ಬನ್ನಿ..ನವರಸ ನಾಯಕ ಜಗ್ಗೇಶ್ ಅವರ ಎರಡನೆಯ ಮಗ ಆಗಿರುವ ಯತಿರಾಜ್ ಅವರು ಜಗ್ಗೇಶ್ ಅವರ ಜೊತೆಗೆ ಬಾಲ ನಟರಾಗಿ ಜಿಪುಣ ನನ್ನ ಗಂಡ, ಕಾಸಿದ್ದವನೇ ಬಾಸು ಮತ್ತು ಮೇಕಪ್ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.
ಕ್ರೇಜಿಸ್ಟಾರ್ ರವಿಚಂದ್ರನ್ ಅವರ ಮಗ ವಿಕ್ರಂ ರವಿಚಂದ್ರನ್ ಅವರು ರವಿಚಂದ್ರನ್ ಅವರ ಅಭಿನಯ ಮಾಡಿರುವ ಹಠವಾದಿ ಚಿತ್ರದಲ್ಲಿ ರವಿಚಂದ್ರನ್ ಅವರ ಚಿಕ್ಕ ವಯಸ್ಸಿನ ಪಾತ್ರದಲ್ಲಿ ವಿಕ್ರಂ ಅವರು ಅಭಿನಯಿಸಿದ್ದಾರೆ.
ಹಾಸ್ಯ ನಟ ಶರಣ್ ಅವರ ಹೊಸ ಸಿನಿಮಾ ಆಗಿರುವ ಅವತಾರ ಪುರುಷ ಚಿತ್ರದಲ್ಲಿ ತಮ್ಮ ಮಗಳು ಪುಣ್ಯ ಅವರು ಶರಣ್ ಅವರ ಜೊತೆಗೆ ಅಭಿನಯಿಸಿದ್ದಾರೆ.
ಖ್ಯಾತ ನಿರ್ದೇಶಕ ಎಸ್ ನಾರಾಯಣ್ ಮತ್ತು ಅವರ ದೊಡ್ಡ ಮಗ ಪಂಕಜ್ ನಾರಾಯಣ್ ಅವರು ನಾರಾಯಣ್ ಅವರು ನಟಿಸಿರುವ ವಿಶಾಲಾಕ್ಷ್ಮಮ್ಮನ ಗಂಡ ಮತ್ತು ಬಾನಲ್ಲೂ ನೀನೆ ಭುವಿಯಲ್ಲೂ ನೀನೆ ಚಿತ್ರಗಳಲ್ಲಿ ಅವರೊಂದಿಗೆ ಅಭಿನಯಿಸಿದ್ದಾರೆ.
ದುನಿಯಾ ವಿಜಯ್ ಅವರ ಕುಸ್ತಿ ಸಿನಿಮಾದಲ್ಲಿ ತಮ್ಮ ಮಗ ಸಾಮ್ರಾಟ್ ಅವರು ದುನಿಯಾ ಅವರ ಚಿಕ್ಕ ವಯಸ್ಸಿನ ಪಾತ್ರದಲ್ಲಿ ನಟಿಸಿದ್ದಾರೆ. ಆದರೆ ಈ ಸಿನಿಮಾ ಕೆಲ ಕಾರಣಾಂತರಗಳಿಂದ ನಿಂತು ಹೋಗಿದೆ.
ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಮಗ ವಿನೀಶ್ ದರ್ಶನ್ ಅವರು ದರ್ಶನ್ ಅವರ ಅಭಿನಯದ ಯಜಮಾನ ಚಿತ್ರದಲ್ಲಿ ಅಭಿನಯಿಸಿದ್ದಾರೆ.
ಖ್ಯಾತ ನಟ ಅಜಯ್ ರಾವ್ ಅವರ ಮಗಳು ಚರಿಷ್ಮಾ ತಾವು ಅಭಿನಯ ಮಾಡಿರುವ ಲವ್ ಯೂ ರಚ್ಚು ಸಿನಿಮಾದಲ್ಲಿ ಒಂದು ಚಿಕ್ಕ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಮಕ್ಕಳಾದ ಚಾರಿತ್ರ್ಯ ಗಣೇಶ್ ಅವರು ಚಮಕ್ ಚಿತ್ರದಲ್ಲಿ ನಟಿಸಿದ್ದಾರೆ ಮತ್ತು ವಿಹಾನ್ ಗಣೇಶ್ ಬಾಲನಟನಾಗಿ ಗೀತಾ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ.
ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರ ಮಕ್ಕಳಾದ ನಿರುಪಮ ರಾಜ್ ಕುಮಾರ್ ಅವರು ಬಾಲನಟಿಯಾಗಿ ಮುತ್ತಣ್ಣ ಸಿನಿಮಾದಲ್ಲಿ ನಟಿಸಿದ್ದಾರೆ ಮತ್ತು ನಿವೇದಿತಾ ರಾಜ್ ಕುಮಾರ್ ಅವರು ಅಂಡಮಾನ್ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ.
ಡಾ ರಾಜ್ ಕುಮಾರ್ ಅವರ ಜೊತೆಗೆ ಶಿವರಾಜ್ ಕುಮಾರ್ ಅವರು ಶ್ರೀ ಶ್ರೀನಿವಾಸ ಕಲ್ಯಾಣ ಚಿತ್ರದಲ್ಲಿ ಬಾಲನಟರಾಗಿ ಅಭಿನಯಿಸಿದ್ದಾರೆ, ನಟ ರಾಘವೇಂದ್ರ ರಾಜ್ ಕುಮಾರ್ ಅವರು ಶ್ರೀ ಶ್ರೀನಿವಾಸ ಕಲ್ಯಾಣ ಮತ್ತು ದಾರಿ ತಪ್ಪಿದ ಮಗ ಚಿತ್ರದಲ್ಲಿ ಅಭಿನಯಿಸಿದ್ದಾರೆ ಮತ್ತು ಪುನೀತ್ ರಾಜ್ ಕುಮಾರ್ ಅವರು ರಾಜ್ ಕುಮಾರ್ ಅವರೊಂದಿಗೆ ಸುಮಾರು 11 ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ….
